نئی دہلی،2جولائی(ایس او نیوز/آئی این ایس انڈیا)بھیڑ کے ذریعہ لوگوں کو جان سے مارنے کے واقعات پر پرینکا گاندھی کی جانب سے دئے گئے بیان کے بعد آپ لیڈر کمار وشواس نے ان پر نشانہ لگایا ہے۔کمار نے کہا کہ موسمی لیڈروں کا خون اپنے لئے فائدہ پہنچانے وقت ہی کھولتا ہے۔پرینکا نے کہا تھا کہ ملک میں بھیڑکے ذریعہ مارے جانے کے واقعات کے دیکھ ان کا خون کھول اٹھتا ہے۔گزشتہ دنوں بھیڑکے ذریعہ مارے جانے کے بڑھتے واقعات سے ملک بھر میں غم و غصہ ہے۔کمار وشواس نے کہا کہ جمہوریت میں اتنے سال کی آزادی کے بعد سڑک پر اس طرح لوگ گروپ، ذات، مذہب اور کھانے پینے کی پسند کی وجہ سے مارے جاتے ہوں لیکن سیاسی جماعتوں کا جو خون ہے وہ موسمی لیڈروں کا خون اپنے لئے فائدہ پہنچانے کے واقعات پر ہی کھولتا ہے۔

کمار نے کہا کہ پرینکا گاندھی کا خون 84 کے واقعات پر کھولنا چاہئے تھا یا اس کے بعد سے ان کے خاندان کا خون کھولنا شروع ہو جائے جس طرح سڑک پر لوگوں کو مارا گیا۔انہوں نے کہا کہ ملک کے اس وقت کے وزیر اعظم منموہن نے بیان دیا تھا کہ ملک کے قدرتی وسائل پر پہلا حق اقلیتوں کا ہے تو اس وقت خون کھولنا چاہیے تھا،تب پرینکا کو کہنا چاہئے تھا کہ یہ ایک عجیب بیان ہے اور ملک سب کے لئے اسی طرح کا ہے۔

کانگریس نائب صدر راہل گاندھی پر نشانہ لگاتے ہوئے کمار نے کہا کہ میں اس بات پر خوشی کا اظہار کرتا ہوں کہ دونوں بھائی بہنوں نے وقت وقفہ بانٹ رکھا ہے کہ ان کا جولائی میں خون کھولے گا، ان کا خون جون میں کھولے گا،وہ نانی کے گھر ہیں تو ان کا خون لوٹ کر کھولے گا، درمیان میں ان کا کھول رہا ہے۔

عام آدمی پارٹی لیڈر کمار وشواس کے مطابق یہ جو موسمی سیاست کانگریس اپنے یوراج اور بہت نرم سی خاتون سے کرا رہی ہیں اس سے مستقل اپوزیشن کا کردار میں آنے کا ان کا امکان کم ہے۔

پی ایم مودی پر نشانہ لگاتے ہوئے کمار نے کہا کہ باقی ملک میں قانون کا بندوبست جیسا ہے وہ بڑے بڑے آدھی رات کے پروگراموں سے، بڑے بڑے جلسوں سے، بڑے بڑے ا سٹوڈیو میں دیے گئے وزیر اعظم کی تقاریر سے شاید پوری نہیں ہو پائے گی۔انہوں نے کہا کہ یہ بہت شرمناک موضوع ہے کہ گاندھی پر پورے ملک میں اور پوری دنیا میں پھول چڑھانے والے وزیر اعظم اگر بھیڑکے ذریعہ مارے جانے کے واقعات کو نہیں روک پا رہے ہیں تو وہ جمہوریت کے لئے شرمناک بات ہے۔